في زمن تحجرت فيه القلوب وماتت فيه الاشياء شكل ومعني اصبح مصطلح الكرم يطلق عن الغني (فقط) ولماذا اصبحت المعامله بمظهر فقط (مهندم - مقرش -الخ من(( ديكور الحياه ))) (لم اجد غير هذا المصطلح )
تعامل كملك عظيم يتوج علي قصور مزيفه لانها مبنيه علي كلمات ....(ان الحروف تموت حين تقال).........
لكن لاتشمل المعني الحقيقي للانسانيه وهي (مشاعر الانسان)هو الجزء الاعمق والذي تخلي عنه الناس في خزائنهم لمليها فقط ......
لماذا اصبحت المعامله للاغنياء فمثلا في المناسبات تكون هنالك اماكن مخصص لهم تكون بها اجود وافخم الاطعمه اما االاخرين (ناس قريعتي راحت ) لا يسالون حتي --- لماذا في الاماكن العامه من وزارات وغيرها ياتي الغني راكب عربته الفارهه ويدخل ولا الزعيم اما المواطنين الزي ديل فيمتطي حذائه ويركب الزلط ويلعب به لعبة مرر لي لانه (ببساطه ليس لديه قرن ) فينشحط شحطة سوط في مناسبة فرح(شوف الزعط بيكون كيف في الحفلات ؟؟؟؟؟؟؟) (خش المكتب لا امشي لي ده - يااخي انته مابتفهم امشي هناك )فيكون المواطن البسيط راح سلطه بدون ملح .....
حتي في المعاينات يكون لذلك الدور الاكبر عندك واسطه مشت معاك ماعندك يدق لك خروج بدون رجعه (بمناسبه المصطلح ده مالي المغتربين فقط) بذلك اذكرته نكتة (قالوا في معاينه في احدي شركات ودخلت واحده عاديه والاخري حنكوشه وبعد ده انتو بتوصفوا (الشين منو والسمح منو)اكيد فقال موظف لزميله كيف نشيل التانيه قال ليه دقيقه بس : فسأل الشينه ماهي ارض المليون شهيد ) فردت (الجزائر ) فقال ليها : قولي لي اسماءهم........
السؤال البسال نفسو انته لو ابوك مرطب مابتمشي تشتغل في شركتو وليه عامل لينا زحمه،،،، وماذنب المسكين الاخر اذا كان بملك قدرات ومقاومات كبيره جدا اقصد مقومات وعايز يعيش اهله لانو اصبح العائل الوحيد لي الاسره---- داك يتخرج كده دقيقه بعد التخريج يكون اتعيين في اجعص شركه ،،،اما الغلبان الذينا ده فيموت بعد دقيقه من تخرجوا لانو يعلم جيدا ان امتحان السمستر الاخيرتكون الكارثه بيقول (ياسلام اخر امتحان وابقي عااااااااااطل )شوف الكلام ده جميل كيف؟؟؟؟ اذكر جيد وان في سنه اولي جامعه برلومه وكده راكبه المواصلات واحمل مسطره للرسم جلس بالقرب مني عم كبير فقال لي(يابتي انتي بتقري هندسه فقلته ليه ايوه ياعمي فقال لي انا مهندس برضو زمان اول مااتخرجته كده يومين بس اشتغلته اما ولدي اتخرج اليوم من الجامعه وصائع في شارع لانو مالاقي شغل وفي المعني واسطه ) يعني بالبارد كده (انتو تعابنين ساااي) فشعرت بالاحبااااط الشديد لكن كنته فرحه لاني برلومه لكن زي ماقال او من فقت من الغيبوبه (يعني اتخرجته )شفته الشاااارع اتنين- اتنين- انا ماحوله والله بس انته بدون ماتحس ماحاتشوف الا بني بني وداك لون ماشي- واخر جاي- شخوط شخوط ومازال الخريج يعاني..........
وكده اي حاجه تحصل للشباب علي مسئولية مين ياجماعه عليكم النبي ردو لي ...
(مابلومكم في ظنونكم اصلي مقبوض بين حصونكم ..........)
ولنا عوده
الرئيسية
مكتبي
الإثنين 14 يوليو - 21:24 من طرف تايجر باك
