shakak العضو المميز
عدد المساهمات : 7 تاريخ التسجيل : 24/12/2010 العمر : 35 الموقع : sudan
| موضوع: الأغنية لأستاذى الجميل حسن أكرت و قد كان معلما فى نعيمة ..وغناها الفنان محمود عبد العزيز في برنامج اغاني واغاني الخميس 28 أبريل - 22:34 | |
| يا ظبية البص السريع همت بيك وخايف اضيع قام من الخرطوم للجبل في دقايق حالا وصل يا إلهي كيف العمل لو نزلت و ضاع الامل
همت بيك وخايف اضيع
قمنا تاني و فرم الرمال للقطينة جنة بلال قمت ليك ازحت الستار ضوه وجهك وزاد النضار
همت بيك وخايف اضيع
في نعيمه ابيت النزول شفت سفرك عايز يطول سبت عملي تركت الفصول اصلو حسنك يسبي العقول
همت بيك وخايف اضيع بعد ساعه وصلنا الدويم اشهد الله الباري العليم لو نزلت قلب السليم كان تقطع و اصابه ضيم
همت بيك وخايف اضيع
جينا للكوه و الكنوز قلبي دقّ و غلبو الركوز لو نزلت هنا كان يجوز يمضي عمري و اصبح عجوز
همت بيك وخايف اضيع
في الملاحه تعرفت بي و في المرابيع زاد العلي كل قلوب الناس ليك تميل انت ايه و شبهك قليل
في جزيرة ابا والامام تم بيني و بينك كلام كان تعارف و اصبح غرام و موده و هوي و انسجام
همت بيك وخايف اضيع
في ربك رحلتنا انتهت رفعت ايدك لي لوحت و لما ايدك لي لوحت دون ما اشعر عيني بكت | |
|
Ahmed Abuobida General Manager
عدد المساهمات : 180 تاريخ التسجيل : 01/12/2010 العمر : 36 الموقع : السودان
| موضوع: رد: الأغنية لأستاذى الجميل حسن أكرت و قد كان معلما فى نعيمة ..وغناها الفنان محمود عبد العزيز في برنامج اغاني واغاني الجمعة 6 مايو - 16:45 | |
| شديده جدا لكن بلدكم ياتو وحده من ديل | |
|