المواصلات وماادراك ما المواصلات

بالامس وانا متوجه الي منزل خرجت كالعاده من موقع العمل الي موقف المواصلات راجله ((بكرعيني بدل الفلسفه دي))) الزحف الصحراوي الذي يقضي علي الاخضر واليابس بدون ان تلتفت لا يمين لاشمال مع تدقيق النظر للاسفل عشان ماتقوووم تقع في احد حفر السوق العربي ----او تمر بطفح صرف صحي نجاءنا واياكم رشة مرور العربااات .......وانته زاااحف ومتسرع جدا لانك بمفرددك المسافااااااات تبقي طوووويله لاتنتهي ويعترييك الزهج من وحشة الطرريق (((الغريبه ياجماعه في اي حته بتاعت عمل انا بمشي عكس الناس من حيث المناطق )))....
اهاااا ياجمااعه دي كوووم والجااي كوووم تاني المهم مشيت للمحل البتقيف في الحافلات ماموقف الاساسي لانو الاساسي بيسرح في الجداد وتقعد تتسرح في خيالك خالي من كل شي ماعاده البشر واكياس النايلون.....والبتقعد في الحاجه رواء علي الرصيف وبتفكر انها تجيب ليها فول وتسالي تبيعهم في عدد الساعات البتمر لما تجي حافله ...المهم وقفته منتظره وانا بشووف الدفس الغير اعتيادي للبني ادم...والمكسر يشيل العمياان وانا بعااين من بعيد اخاف ان ينفضني احد المدفسيين الي احد الشجر القريبه من موقع المدافسه ...
اهاااا خمسه حافلات وانا واقفه في محلي لااتحرك وقدام لي وقف رجل شرطه يرتدي الزي الاخضر بنظارته الاستعراضيه يمرر الحافلات ويمنعهم من الوقوف هنا وانا ماعارفه السبب لهذا الوقت مايقاارب لي 7شهور انا بركب من نفس المنطقه ولايظهر هذا الشرطي الا مره وانا وووواقفه في محلي والبجي يشحن بيوقفوا يدي محااضره كامله وبعد تحانيس بمرروا وانا خلاص غضبته وبصبر نفسي يابت اسكتي --وبقوول في نفسي الزول ده ماشااايف الناس دي واقفه ولاعندو حول ولاعميااان ...بدل يوقف الحافلات ويركب الناس التعبانه دي يطبظه ويقول مافي زول يقيف وانا في ثورة غضبي وبحمر للعسكري لكن ماقادره اتكلم ...جاءت حافله وقفت قصادي والحمد لله ركبته انشاء الله جاء من ووين ماعارفه ووقف الحافله اكتر من نص سااعه ومرره بعد لمه في زول براه ونسي حيااتو وشكلوا علم من الصلعه الظاهره ...
الناس دي كلها حلفت ماتنزل من الحافله وكل زول يقول للتاني انته مجنون والله ماانزل لما اتحركت بتمها ليكم القصه في جزء تاني لانو مرارتي اتفقعت؟؟؟؟؟؟؟؟؟؟؟؟اتخيلوا معااي كم من الزمن يضيع في بلدي....
نوواصل ياجماااااعه وبعد الساعه والنقاش الطوويل الممتد مع العسكري بكل الفنون المتداوله مابين تطيب الخاااطر والتحنيس وتعلية النقااش وزيادة تعليه الدرجه الحراريه للركاب ونقة رواء بتحت تحت (دي حاله دي ---يااخي دي بلد دي---الزول ده ماشايف الناس دي )))) وفي الطرف الاخر النقاش ممتد والركاب من الخلف اليقول نازل والتاني يقول ليه انته مجنون ننزل ووين والله ماننزل كان انطبقت..........واك ووويك ورووو ونق ونق ونق -----
واخير رضى علينا السلطان وامر بفك حبس العربه واده الرخصه للسواق-----وخلينا صاحبك يبرا في لسه ---وهو يغلي يرتفع تاره بالكلام وتاره ينزل الموجه..المهم تحركت العربه وهدات رواء وساد الهدوء العربه-------وماان وصلت الي الصينيه بتاعت السوق المركزي حيث(((( تاتي تاتي الخطوه الاولي ماتخاف من طوله تاتي)) وجمهرة الباعه الكرااام علي كل جنبات الطرق حيث لاوجود للمتنفس ---ولا يمكن الوصول اليك بسبب الناس الكتتتير ه الما بتنتهي وبوسط تلك الزحمه كان شريط الاستاذ العملاق المرحوم :مصطفي سيد احمد يمسح عننا غباار الوقفه والشحطه والدفسه ((((


اهو نحن في ا خر سوا وباعنا الهوى وماشين على سكة عدم
وبقيت اغني عليك اغاني الحسره ...الخ)))
نطت امراه من الامام وقالت ((( يااخي وطو الصوت ده))) طولي نطه ليها واحد (((ياحاجه مالك لو سمحتي عايزين نسمع الشريط ده))))طوالي الراديو اشتغل المراه بقيت تجووط بدون مراعاه للاخريين ((( اهااا عشان قلته لييك كده تقوم تقوول كده ))) ووونق وننننننق ورررررررررووووو وبقي شي مامفهوم ....ا انا كثافتي وصلت 90بين الزحمه ونقة المراه ماعارفه العالم دي كيف ؟؟؟؟؟؟؟؟ المهم المراه دي نهاايه ماسكتت لما نزلت محطتها((اصلوا البرمجه دي بقت طوالي في النسوان من كترت المسئوليه والهموم المسااكين بقوا يجيبوا محطات خاارجيه الواحده تهبشه كده تشتغل نغمات طووالي ومابتسكت وديل في المواصلات قصتهم براااهم........ههههه)))) قلنا الحمد الله وواصلنا كانت الحافله تقيف كل دقيقتين ترفع الناس وفجاءه بقيت تحس نفسك في قفص جداد مااكتر المهم وووصلته الحمد لله كثافتي 180 ولاحيل لدي ومعاناتي مع المواصلات فيها اجزاء كتتيره بنواصل ليكم كل يوم قصه ...................